آئی جی پی پنجاب کی جانب سے پنجاب میں چینی شہریوں کے مکمل تحفظ کی یقین دہانی۔

انسپکٹر جنرل پولیس پنجاب انعام غنی نے سنٹرل پولیس آفس میں چینی قونصل جنرل مسٹر لانگ ڈنگ بین سے ملاقات کے دوران یقین دہانی کرائی ہے کہ پنجاب پولیس ترجیحی بنیادوں پر چینی شہریوں کو تحفظ فراہم کررہی ہے۔ انہوں نے کہا کہ صوبے کے مختلف اضلاع میں سپیشل پروٹیکشن یونٹ اور ضلعی پولیس افسران سیکیورٹی انتظامات کا جائزہ لینے کے لئے ماہانہ بنیاد پر سی پیک پرکام کرنے والے مقامات کا بھی دورہ کرتے ہیں۔ مسٹر لانگ ڈنگن نے سیکیورٹی انتظامات پر اطمینان کا اظہار کیا اور اس سلسلے میں پنجاب پولیس کے کردار کو سراہا۔