الحمرا آرٹس کونسل میں پاک چین سفارتی تعلقات کی 70 ویں سالگرہ کی مناسبت سے آرٹ نمائش کا انعقاد۔

پاک چین سفارتی تعلقات کی 70ویں سالگرہ کی مناسبت لاہور آرٹس کونسل نے الحمرا آرٹس گیلری میں آرٹ نمائش کا اہتمام کیا۔ اس میں پرفارمنگ آرٹس کی الحمرا اکیڈمی کے طلباء کے 25 فن پاروں کو پیش کیا گیا۔ پنجاب کے وزیر ثقافت خیال احمد کاسترو نے نمائش کا افتتاح کیاجبکہ اس موقع پر چینی قونصل خانے کے ڈائریکٹر ڈو یو سمیت دیگر بھی موجود تھے۔صوبائی وزیر خیال احمد کاسترو نے کہا کہ پاکستان اور چین ہر مشکل وقت میں ہمیشہ ایک دوسرے کے شانہ بشانہ کھڑے ہیں۔ ایل اے سی کی ایگزیکٹو ڈائریکٹر فرحت جبین نے کہا کہ آئندہ بھی اس قسم کی مزید نمائشیں منعقد کی جائیں گی۔