حکومت بلوچستان کے عوام کے تحفظات دور کرے۔

ایک جیو پولیٹیکل تجزیہ کار جان اچکزئی لکھتے ہیں کہ گوادر کو اس کے عوام کے تحفظات کے لیے بین الاقوامی میڈیا میں نمایاں کیا گیا ہے۔ انہوں نے زور دے کر کہا کہ بلوچستان سے آنے والی تمام اچھی خبریں تحفظاتی بیانیے، تاریخی خرافات،نہایت کم سچائی پر مبنی اور سازشی تھیوریوں کی حد سے زیادہ تشہیر میں گم ہیں۔ان کا مزید کہنا تھا کہ گوادر کی ترقی مقامی لوگوں کے لیے بے شمار مواقع فراہم کرتی ہے اور پہلے ہی بڑی تعداد میں لوگوں کو روزگار فراہم کر رہی ہے۔انہوں نے زور دے کر کہاکہ حکومت کو درست رائے عامہ ہموار کرنے اور گوادر کی ترقی کے بارے میں پائے جانے والے منفی تاثرات کو دور کرنے کی ضرورت ہے۔انہوں نے اس بات پر روشنی ڈالی ہے کہ اگر ہم وہاں کے عوام کے دل جیتنا چاہتے ہیں تو ان کے تحفظات کا دور کرنا نہایت ضروری ہے۔