سدا بہار پاک چین دوستی نئی بلندیوں کو چھو رہی ہے۔

چین میں تعینات پاکستانی سفیر معین الحق نے تقریباًہر شعبے میں پاک چین دو طرفہ تعاون کی شاندار الفاظ میں تعریف کرتے کہا ہےکہ کووڈ-19کی عالمی وبا ہو یا کوئی دوسرا مسئلہ دونوں ممالک ہر مشکل وقت میں ایک دوسرے کے شانہ بشانہ کھڑے ہیں۔ انہوں نے مزید کہا کہ دونوں ممالک وبائی مرض کی سیاست سے گریزاں ہیں اور اخلاقی اور طبی لحاظ سے ایک دوسرے کی بھرپورمدد کرتے ہیں۔نیز دونوں ممالک نےسیاسی اور اقتصادی تعلقات سے لے کر ثقافتی اور عوامی تبادلے کو تقویت دینے کے لئے تعاون کو مزید فروغ دیا ہے۔ انہوں نے مزید کہا سال 2021ء چین اور پاکستان کے مابین سفارتی تعلقات کی شروعات کی 70 ویں سالگرہ کی وجہ سے نہایت اہمیت کا حامل ہے اور اسے جوش و جذبے کے ساتھ منایا جائے گا۔