سرمایہ کاری بورڈ پاکستان اور چین بزنس ٹو بزنس تعاون کے لئے پورٹل کا آغاز کرے گا۔

ایک ویبینار کے دوران بورڈ آف انویسٹمنٹ (بی او آئی) کی سیکریٹری فرینہ مظہر نے چائینہ کونسل فار انٹرنیشنل انویسٹمنٹ پروموشن (سی سی آئی آئی پی) کے اشتراک سے پاکستان چین بزنس ٹو بزنس (بی ٹو بی) انویسٹمنٹ پورٹل شروع کرنے کا اعلان کیا ہے۔ اس سے پاکستان اور چینی دونوں کمپنیوں کو سرمایہ کاری کے مقاصد کے حصول میں مدد ملے گی۔اس ویبینار میں پاکستان اور چین کے اعلٰی سرکاری عہدیداروں نے شرکت کی۔ ایڈیشنل سیکریٹری بی او آئی خاشی الرحمٰن نے پاکستان میں چینی سرمایہ کاری کو راغب کرنے کے لئے دونوں فریقین کے کردار پر روشنی ڈالی۔