سپیکر قومی اسمبلی کی چینی سفیرسے ملاقات، سی پیک کو معاشی استحکام کا ضامن قراردیا۔

سپیکر قومی اسمبلی اسد قیصر نے پاکستان میں تعینات نئےچینی سفیر نونگ رونگ سے ملاقات کے دوران کہا کہ سی پیک ملک میں معاشی نمو کو مستحکم کرے گا اور پاکستان کو مالیاتی عدم استحکام سے نکال دے گا۔ انہوں نے مزیدکہا کہ چین کے ساتھ اس طرح کے مثالی تعلقات کو برقرار رکھنا پاکستان کے لئے باعثِ فخر ہے۔ چینی سفیر نے اسد قیصر کی مدد کے لئے شکریہ ادا کیا اور آگاہ کیا کہ سی پیک کے دوسرے مرحلے میں سماجی و اقتصادی شعبے کے ساتھ ساتھ صنعت ، زراعت اور سائنسی وتکنیکی شعبوں میں بہتری سے متعلق منصوبوں پر خاص توجہ دی جائے گی۔