سی پیک اقتصادی نمو اور انسانی وسائل کی ترقی کو فروغ دے رہا ہے: چینی سفیر یاؤ جِنگ

وزیر اعظم کے مشیر برائے تجارت داؤد رازق اور چینی سفیر یاؤ جِنگ نے گفتگو کرتے ہوئے کہا ہے کہ سی پیک کے دوسرے مرحلے میں خصوصی اقتصادی علاقے دو طرفہ تعاون کو فروغ دینے میں  نہایت معاون ثابت ہونگے ۔ مشیر وزیراعظم برائے تجارت نے مزید کہا کہ سی پیک کےصنعتی یونٹوں میں ملک کی برآمدات میں اضافے کے ذریعے سے اقتصادی نمو کو تیز کرنے کی صلاحیت موجود ہے۔ دریں اثنا چینی سفیر برائے پاکستان  نے سی پیک کے تحت انسانی وسائل کی ترقی کو یقینی بنانے اور نجی شعبوں کے علاوہ غیر ملکی سرمایہ کاروں کو خصوصی اقتصادی علاقوں میں شمولیت اختیار کرنے کی ترغیب دی۔