سی پیک سے جُڑا میٹرو ٹرین لاہور چینیوں کا پاکستانی عوام کے لئے ایک بہترین تحفہ ہے۔لانگ ڈنگبن،چینی قونصل جنرل۔

چینی قونصل جنرل لاہور لانگ ڈنگبین نے چائینہ ٹوڈے سے گفتگو کرتے ہوئے کہا ہےکہ ‘اورنج لائن میٹرو ٹرین’ (اولمٹ لاہور پراجیکٹ) چینیوں کا پاکستانی عوام کے لئے ایک بہترین تحفہ ہے۔ انہوں نےمزید کہا کہ اس منصوبے نے معاشرے کے مختلف طبقات کا اعتماد حاصل کیا ہے اور یہ حکومتِ پنجاب کے تعاون کی وجہ سے کامیابی کے ساتھ مکمل ہوا۔ مزید برآں انہوں نے ٹرین کی تعمیر کو چین اور پاکستان کے مابین سدا بہار تزویراتی تعاون کا مظہر قرار دیا۔اس میں ملازمت کے مواقع پیدا کرنے کے پہلو پر تبصرہ کرتے ہوئے انہوں نے کہا کہ پاکستانی عوام کے لئے 7000 ملازمتیں پیدا کی گئیں ہیں اور مستقبل میں اس کی فعالیت اور مینٹننس میں مزید 2 ہزار ملازمتیں پیدا ہوں گی۔