سی پیک منصوبہ میں کام کرنے والے ملازمین کو فول پروف سیکیورٹی فراہم کی جائے گی…. آئی جی پنجاب

انسپکٹر جنرل آف پولیس پنجاب کیپٹن(ر) عارف نواز خان نے چینی قونصل جنرل لونگ ڈنگبین سے ملاقات میں سی پیک منصوبہ میں کام کرنے والے ملازمین و مزدوروں کی جان و مال کے تحفظ کے لئے فول پروف سیکیورٹی فراہم کرنے کی یقین دہانی کرائی ہے.اس دوران ان کا مزید کہنا تھا کہ قانون نافذ کرنے والے اداروں کے اہلکاروں کو جدید آلات,بلٹ پروف جیکٹس اور ہیلمٹس سے آراستہ کیا گیا ہے تاکہ کسی بھی ناخوشگوار واقعے کی صورت میں بروقت کاروائی عمل میں لائی جا سکے اور اس کے علاوہ چیک پوائینٹس قائم کرکے ان میں چیکنگ کے نظام کو موثر بنایا جا رہا ہے تاکہ ایک بہترین ماحول میں سی پیک منصوبہ سے جڑے ملازمین کی جان و مال کی تحفظ کو یقینی بنایا جا سکے