سی پیک نےپاکستان کی معیشت میں ایک انقلاب برپا کیا ہے،اسدعمر،وفاقی وزیر منصوبہ بندی و ترقی۔

ایک پریس بریفنگ سے خطاب کرتے ہوئے وفاقی وزیر برائے منصوبہ بندی ترقی اور خصوصی اقدامات اسد عمر اور وزیراعظم کے معاون خصوصی برائے سی پیک امور خالد منصور نے کہا ہے کہ حکومت سی پیک میں تیسرے فریق کی شرکت کا خیرمقدم کرتی ہے۔ مزید برآں وفاقی وزیر اسد عمر نے ملک میں چینی سرمایہ کاری سے متعلق پروپیگنڈا کو بھی سختی سے رد کرتے ہوئے کہا کہ سی پیک پاکستان کے لیے قرضوں کا جال نہیں جبکہ امریکہ میں قائم بین الاقوامی ترقیاتی تحقیقاتی لیب،ایڈ ڈیٹا کی حالیہ رپورٹ سی پیک پر تنقید کے سوا کچھ بھی نہیں۔انہوں نے اس بات پر بھی روشنی ڈالی کہ سی پیک کے تمام منصوبے وقت پر مکمل ہوچکے ہیں اور کوئی تاخیر نہیں ہوئی ہے۔وزیراعظم کے معاون خصوصی برائے سی پیک امور خالد منصور اور وفاقی وزیر اسد عمر نے مزید کہا کہ چین پاکستان کا سب سے قابل اعتماد شراکت دار ہے جس نے ملکی معیشت بالخصوص توانائی اور بنیادی ڈھانچے کے شعبوں میں ایک انقلاب برپا کیاہے۔