سی پیک کے تحت تعلیمی اداروں کے درمیان روابط کو فروغ دیا جائے گا،سپیکر قومی اسمبلی۔

سپیکر قومی اسمبلی اسد قیصر نے وزیر اعلٰی کے معاون خصوصی برائے اعلی تعلیم و اطلاعات کامران بنگش سے ملاقات میں انہیں سی پیک کے تحت تعلیمی اداروں کے مابین روابط پیدا کرنے کی ہدایت کی۔ انہوں نے کہا کہ سی پیک کے تحت تعلیم کے لئے مختص فنڈز تعلیمی انفراسٹرکچر اور سہولیات کی فراہمی پر خرچ کیے جائیں۔ مزید برآں انہوں نے کہا کہ نوجوانوں کی تربیت کے لئےخصوصی پروگراموں کا اہتمام کرنے کی ضرورت ہے تاکہ سی پیک کے سبب پیدا مواقعوں سے فائدہ اٹھایا جا سکے۔