سی پیک کے تحت سکی کناری ہائیڈرو پاور پراجیکٹ کا عملہ کووڈ-19 کے دوران محفوظ اورموثرعملدرآمدکو یقینی بنانے میں مصروفِ عمل۔

سکی کناری ہائیڈرو پاور پراجیکٹ کے ملازمین نے کووڈ-19کی وباکے دوران اس پراجیکٹ پر محفوظ اور موثر عمل درآمد کو یقینی بنایا ہے۔تفصیلات کے مطابق اس منصوبے کے احاطوں میں وبائی مرض کے پھیلاؤ کو روکنے اور اس پر قابو پانے کے لئے 2,700 سے زائد پاکستانی مزدور اور 650 چینی کارکنان مل کر کام کر رہے ہیں۔ جبکہ یہ بات خوش آئیند ہے کہ اس منصوبے میں ابھی تک کووڈ-19 کا ایک بھی کیس سامنے نہیں آیا۔اس پراجیکٹ کے عملے نے پراجیکٹ سائٹ کو 400 سے زیادہ کام کرنے والے احاطوں میں تقسیم کیا ہے اور ہر علاقے میں حفاظتی اقدامات پر باقاعدگی سے عمل درآمد کو یقینی بنایا جا رہاہے۔ چائنا گیزوبا گروپ کمپنی (سی جی جی سی) کے زیر اہتمام سکی کناری پن بجلی پراجیکٹ خیبر پختونخواہ (کے پی) پر سی پیک کے تحت ارلی ہارویسٹ منصوبہ کے طور پر عملدرآمد کو یقینی بنایا جارہا ہے۔