سی پیک کے تحت پاکستان اور چین کے تعلقات مزید مستحکم ہو رہے ہیں، عبدالواجد خان۔

ایک اہم تجزیہ نگارعبد الواجد خان لکھتے ہیں کہ سی پیک کے تحت چین اور پاکستان کے مراسم مضبوط اقتصادی تعلقات کی صورت اختیار کر گئے ہیں اور مستقبل میں یہ صنعتی تعاون میں بھی تبدیل ہوجائیں گے۔ انہوں نے اسلامی جمہوریہ پاکستان اور عوامی جمہوریہ چین کے مابین سفارتی تعلقات کے قیام کے 70 سال مکمل ہونے پر اسلام آباد اور بیجنگ دونوں کے ذریعے مشترکہ منعقد ہونے والی پُر مسرت تقریبات پر روشنی ڈالی۔ اس ورچوئل تقریب میں جو بیک وقت اسلام آباد اور بیجنگ میں منعقد ہوئی تھی جس میں چینی وزیر خارجہ وانگ یی اور پاکستان کے وزیر خارجہ شاہ محمود قریشی نے پاک چین دوستی کو مزید مستحکم کرنے کے عزم کا اعادہ کیا۔ انہوں نے اس بات پر روشنی ڈالی کہ پاکستان وہ پہلا ملک تھا جس نے عوامی جمہوریہ چین کو تسلیم کیا اور 21 مئی 1951 کو دونوں ممالک نے باضابطہ طور پر اپنے سفارتی تعلقات قائم کیے۔ 1955 میں بینڈنگ کانفرنس کے دوران اس وقت کے وزیراعظم محمد علی بوگرا نے چینی وزیرعظم چوان لائی سے ملاقات کی اور اس کے نتیجے میں دونوں ممالک اپنے باہمی خدشات کو حل کرنے میں کامیاب ہوگئے۔ 1960 کی دہائی کے آغاز سے ہی دونوں ممالک نے قابل ذکر دوستی کا نیا دور شروع کیا اور 2 مارچ 1963 کو باؤنڈری معاہدے پر دستخط کیے گئے۔ گذشتہ سات دہائیوں کے دوران پاکستان اور چین کے مابین اسٹریٹجک تعاون میں اضافہ ہوا ہے۔