سی پیک کے تحت پاکستان اور چین کے مابین صحت کے شعبے میں تعاون کو مستحکم کرنے کے لئے سی پی ایم اے کا آغاز کیا گیا،ڈاکٹر شہباز۔

سی پی ایم اے کے صدر ڈاکٹر محمد شہباز نے اعلان کیا ہے کہ چین پاکستان ہیلتھ کوریڈور کے تحت چائینہ پاکستان میڈیکل ایسوسی ایشن (سی پی ایم اے) کا آغاز کیا گیا ہے۔ انہوں نے کہا کہ اس کا مقصد پاکستان اور چین کے شعبہ صحت اور تعلیم کے شعبوں میں تعاون کے مواقع تلاش کرنا ہے۔ انہوں نے کہا کہ یہ اقدام چائینہ پاکستان ہیلتھ کوریڈور کی طرز پر اٹھایا گیا ہے اور یہ دونوں سدا بہار دوست ممالک پاکستان اور چین کے مابین طبی تعاون کو مستحکم کرنے کے لئے قائم کیا گیا ہے۔ انہوں نے مزیدکہا کہ یہ دونوں ممالک کے مابین اسٹریٹجک تعلقات کے لئے ناگزیر ہے۔