سی پیک کے حوالے سے رائے عامہ ہموار کرنے میں ذرائع ابلاغ کا کردار۔۔۔۔۔

چائینہ-پاکستان اقتصادی راہداری منصوبہ کے تحت جب سے پاکستان میں سماجی-اقتصادی ترقی کی ایک نئی جہت کا آغاز ہوا ہے خطے کے کچھ ممالک اس میگا پراجیکٹ کے حوالے سے اعتراض اٹھا رہے ہیں کہ یہ پاکستان کی تعمیر و ترقی کے لئے کسی صورت موزوں نہیں۔ یہ ایک اٹل حقیقت ہے کہ امریکہ اور انڈیا سی پیک منصوبہ کے تحت پاکستان کی تعمیر ترقی کے سفر سے نہایت خائف ہیں.یہ دونوں قوتیں سی پیک منصوبہ کے خوش اسلوبی سے جاری سفر کو سپوتاژ کرنے کے لئے غلط بیانیوں اور دیگراوچھے ہتھکنڈوں کے ذریعے سے ایڑی چوٹی کا زور لگا رہی ہیں۔ضرورت اس امر کی ہے کہ اس طرح کے من گھڑت بیانات اور پروپیگنڈا کے تدارک کے لئے جامع حکمت عملی اپنائی جائے۔اس صورتحال میں پاکستان کے ذرائع ابلاغ کو اس پروپیگنڈ کا مقابلہ کرکے عوام کی سامنے سی پیک کی اصل اور مثبت تصویر پیش کرنے کی ضرورت ہے۔