شیاؤ می کمپنی اگلے ماہ سے پاکستان میں موبائل فون کی مقامی طور پر اسمبلنگ کا آغاز کرے گی۔

چینی ٹیکنالوجی کمپنی شیاؤ می نے اعلان کیا ہے کہ وہ دسمبر 2021 سے پاکستان سے موبائل فونز کی مقامی اسمبلنگ شروع کر دے گی۔ یہ نیا اقدام موبائل ڈیوائس مینوفیکچرنگ (ایم ڈی ایم) پالیسی کے تحت آتا ہے جسے حال ہی میں منظور کیا گیا ہے اور اس سے ٹیکنالوجی کی منتقلی ہوگی اور مقامی لوگوں کو روزگار کے مواقع میسر آئیں گے۔ ملک میں ای کامرس میں ترقی کی صلاحیتوں کا بخوبی اندازہ لگاتے ہوئےشیاؤ می نے سمارٹ لنک کے ساتھ شراکت داری کی ہے اور حکمت عملی کے ساتھ دراز کے ساتھ منسلک ہوا ہے۔یاد رہے کہ رواں سال ہونے والی گزشتہ10ویں جے سی سی میٹنگ کے دوران پاکستان اور چین نے مشترکہ طور پر انفارمیشن اور ٹیکنالوجی پر ایک ورکنگ گروپ قائم کرنے پر اتفاق کیا ہے۔