صحت کے شعبے میں پاک چین تعاون دوطرفہ فوائد کا موجب بنے گا۔

پاکستان میڈیکل ایسوسی ایشن (پی ایم اے) کے بین الاقوامی تعلقات کے چیئرمین نظامی نے میڈیا سے گفتگو کرتے ہوئے کہا ہے کہ چین پاکستان میڈیکل کوریڈور (سی پی ایم سی) لوگوں کی معیارِ زندگی میں مثبت تبدیلی کے حوالے سے وِن-وِن تعاون پر مبنی ہے۔ انہوں نے مزید کہا کہ یہ پاکستان اور چینی میڈیکل انڈسٹری کے لیے نہایت اہمیت کا حامل ہے۔ان کا مزید کہنا ہےکہ سی پی ایم سی کے قیام سے بی آر آئی اور سی پیک پر مثبت اثرات مرتب ہو رہے ہیں۔مزید برآں انہوں نے کہا ہےکہ یہ تعاون دونوں ممالک کے مریضوں ، طبی عملہ ، میڈیکل پریکٹیشنرز اور ہیلتھ سائنسز پر مثبت اثرات مرتب کرے گا۔