صدر شی جن پنگ نے بدلتی دنیا میں لوگوں کی بہتری کے لیےسی پی سی کے کردار کو اجاگر کیا۔

چین کے صدر شی جن پنگ نے جنوبی چین کے گوانگ ڈونگ صوبے کے شہر گوانگ زو میں 2021 انڈر سٹینڈنگ چائناکانفرنس کی افتتاحی تقریب میں ویڈیو لنک کے ذریعے تقریر کی۔ انہوں نے اس موقع پر زور دے کر کہا کہ جیسے جیسے دنیا تیزی سے بدل رہی ہےآج چین کو سمجھنے کے لیے، کمیونسٹ پارٹی آف چائنا (سی پی سی) کو سمجھنا اور سیکھنا چاہیے۔ صدر شی جن پنگ نے اس بات پر روشنی ڈالی کہ سی پی سی تاریخ سے سبق اور طاقت حاصل کرے گی، بہتر مستقبل کے لیے آگے بڑھے گی، اپنی بنیاد پر قائم رہے گی اور چینی عوام کی قیادت کرتے ہوئے نئے سفر پر گامزن ہوگی، کیونکہ سی پی سی عوام کی خدمت کے اپنے بنیادی مقصد کے لیے پرعزم ہے۔ انہوں نے یہ بھی کہا کہ سی پی سی ہمیشہ عالمی امن کا معمار، عالمی ترقی میں معاون اور بین الاقوامی نظام کا محافظ رہے گا۔