ماہرین کی جانب سےسی پیک منصوبوں میں سرمایہ کاروں کو تمام سہولت بہم فراہم کرنے کی ضرورت پر زور۔

سسٹین ایبل ڈویلپمنٹ پالیسی انسٹیٹیوٹ (ایس ڈی پی آئی) کی جانب سے منعقدہ ایک ویبینار میں ماہرین نے اس بات کی ضرورت پر زور دیا ہے کہ حکومت قومی معیشت کو مستحکم کرنےکے لیے سی پیک اور اے پی ٹی ٹی اے میں سرمایہ کاروں اور کاروباری برادری کو سہولیات فراہم کرے۔ اس موقع پر کے پی بی او آئی ٹی کے سی ای او حسن داؤد بٹ بھی موجود تھے انہوں نے اس موقع پر کہا کہ اقتصادی پالیسیوں کا تسلسل اور قومی معیشت کی ڈیجیٹلائزیشن ہونی چاہیے۔ کراچی میں تعینات چینی قونصل جنرل لی بیجیان نے اس موقع پر کہا کہ چینی کمپنیوں نے کراچی، حیدرآباد، ٹھٹھہ اور سکھر میں ٹرانسپورٹ سسٹم کو اپ گریڈ کرنے میں سندھ حکومت کے ساتھ بھی شراکت داری کی ہے۔ اس موقع پرافغان ٹرانزٹ تجارت کے امکانات پر بھی تبادلہ خیال کیا گیا۔