ملاکنڈ میں سی پیک منصوبہ کے پراجیکٹس پر کام کی پیش رفت حسب معمول جاری۔۔۔دیر میں نئے خصوصی اقتصادی علاقوں کا قیام عمل میں لایا جائے گا۔۔۔صبغت اللہ، ممبر قومی اسمبلی۔

ممبر قومی اسمبلی صاحبزادہ صبغت اللہ نے کہا ہے کہ خیبر پختونخواہ کے ملاکنڈ ڈویژن میں سی پیک منصوبہ کے پراجیکٹس پر کام کی پیش رفت خوش اسلوبی سے جاری ہے جبکہ کے پی کے اپر اور لوئر دیر کے اضلاع میں خصوصی اقتصادی علاقوں کا قیام عمل میں لایا جائے گا۔ خیال رہے کہ ان خیالات کا اظہار انہوں نے دیر آفیسرز ویلفیئر ایسوسی ایشن(ڈی او ڈبلیو اے) کی کابینہ کے منتخب شدہ عہدیداران سے تبادلہ خیال کرتے ہوئے کیا۔