نیشنل پارٹی کی جانب سے چینی صدر شی جن پنگ کو نئے سال کی خصوصی مبارکباد۔

نیشنل پارٹی آف پاکستان کے صدر ڈاکٹر عبدالمالک بلوچ نے چینی نئے سال کے موقع پر اپنی پارٹی کی طرف سے صدر شی جن پنگ کو خصوصی مبارکباد دی ہے۔ انہوں نے کہا کہ چین کی کمیونسٹ پارٹی اور نیشنل پارٹی پاکستان ماضی میں قریبی شراکت دار رہے ہیں اور امید ہے کہ دونوں جماعتیں مستقبل میں باہمی تعلقات کو مزید مستحکم کرنے کے لئے تعاون کی نئی راہیں ہموار کریں گی۔ مزید برآں انہوں نے کہا کہ چین کی قیادت میں سی پیک ترقی کی راہ پر گامزن رہے گا اور عالمی امن و امان، ہم آہنگی اور ترقی میں اہم کردار ادا کرتا رہے گا۔