وزیراعلیٰ سندھ نے سی پیک کے تحت دھابیجی خصوصی اقتصادی زون میں روزگار کے کثیر مواقع پیدا ہونے کا اشارہ دے دیا۔

وزیراعلیٰ سندھ سید مراد علی شاہ نے خصوصی اقتصادی زونز کی ترقی کے لیے رعایتی معاہدے پر دستخط کی تقریب سے خطاب کرتے ہوئے کہا کہ صوبے میں چین پاکستان اقتصادی راہداری (سی پیک) کے تحت زون 200,000 سے زائد براہ راست اور بالواسطہ روزگار کے مواقع فراہم کرے گا اور یہ خصوصی اقتصادی زون 18 ارب روپے کی لاگت سے تیار کیا جا رہا ہے۔ وزیراعلیٰ نے سی پیک کو گیم چینجر منصوبہ بھی قرار دیا جس سے ملک کے بنیادی ڈھانچے میں بہتری آئی ہے، توانائی کے بحران کا خاتمہ ہوا ہے اور اب خصوصی اقتصادی زونز کے ذریعے صنعت کاری کو فروغ دیا جا رہا ہے۔