وزیرخارجہ شاہ محمود قریشی اورکویت کے وزیر مملکت برائے امور کابینہ کے درمیان ہونے والی ملاقات میں سی پیک سے متعلق امور پر تبادلہ خیال۔

پاکستان کے وزیر خارجہ شاہ محمود قریشی نے اسلام آباد میں وزیر خارجہ اور کویت کے وزیر مملکت برائے امور کابینہ ڈاکٹر احمد ناصر الصباح کے ساتھ خصوصی ملاقات کی۔اس ملاقات میں شاہ محمود قریشی نے امن ، ترقی اور رابطے پر زور دینے کے ساتھ ساتھ جیو اقتصادیات کی طرف ملک کی توجہ مرکوز کرنے پر روشنی ڈالی۔ انہوں نے کویت کو بھی پاکستان میں سرمایہ کاری کے وسیع اور نفع بخش مواقعوں سے فائدہ اٹھانے کی دعوت دی۔ انہوں نے انہیں سی پیک خصوصاً ایس ای زیڈز کی معاشی صلاحیتوں سے بھی آگاہ کیا۔ انہوں نے سیاسی ، معاشی ، دفاع ، تجارت اور سرمایہ کاری کے شعبوں میں دوطرفہ تعاون بڑھانے پر تبادلہ خیال کیا۔