وزیر اعظم شہباز شریف نے سی پیک کے تحت مکمل ہونے والےحبکو 330میگاواٹ پاور پلانٹ کے بلاک ٹو کا افتتاح کر دیا

وزیراعظم شہباز شریف نے ضلع تھرپارکر میں حبکو کمپنی کی جانب سے مکمل ہونے والے سی پیک بلاک 2 کے تحت 330 میگاواٹ کے پاور پلانٹ کا افتتاح کر دیا۔ اس موقع پر انہیں وزیراعلیٰ سندھ سید مراد علی شاہ کی جانب سے سی پیک کے منصوبوں کے بارے میں تفصیلی بریفنگ دی گئی۔ وزیراعلیٰ نے بتایا کہ سی پیک پاکستان کی معیشت کے لیے گیم چینجر ہے۔ انہوں نے مزید کہا کہ تھر کول سے بجلی پیدا کرنے کے لیے سڑکوں کے وسیع نیٹ ورک، پلوں اور ہوائی اڈے کی ضرورت ہے۔ وزیراعلیٰ سندھ نے کہا کہ سندھ حکومت نے 750 ملین ڈالر خرچ کرکے تھر کا انفراسٹرکچر بنایا۔ انہوں نے بتایا کہ جیولوجیکل سروے آف پاکستان کے مطابق تھر میں 175 ارب ٹن کوئلے کے ذخائر ہیں اور اس میں کل 13 بلاکس ہیں، ہم بلاک 2 اور بلاک 1 پر کام کر رہے تھے۔ سی پیک کے تحت کول مائن پاور پراجیکٹ پر شروع کیا گیا اور 2015 میں وفاقی حکومت نے اس منصوبے کے لیے  سوویرن گارنٹی دی۔