وزیر اعظم شہباز شریف کی جانب سے سیلاب متاثرین کے لیے 400 ملین یوان کی امداد پر چینی صدر شی جن پنگ سے اظہارِ تشکر۔

وزیر اعظم شہباز شریف نے چین کے 400 ملین یوان کے امدادی پیکج پر صدر شی جن پنگ کا شکریہ ادا کیا ہے۔ ایک ٹویٹ میں انہوں نے کہا کہ یہ ہماری دوستی کے منفرد رشتے کی عکاس ہے۔ انہوں نے مزید کہا کہ اس تعاون سے لوگوں کو انتہائی ضروری ریلیف فراہم کرنے میں مدد ملے گی۔ دریں اثنا، وزیر خارجہ بلاول بھٹو زرداری نے بھی پاکستان میں سیلاب زدگان کے لیے ہنگامی امداد پر چینی قیادت اور عوام کا شکریہ ادا کیا ہے۔ ایک ٹویٹ میں انہوں نے کہا کہ یہ ہمارے منفرد رشتے کا یہ مظہر ہے کہ جس میں دونوں دوست ممالک مشکل کی ہر گھڑی میں ایک دوسرے کے شانہ بشانہ کھڑے رہتے ہیں۔