وزیر اعظم عمران خان اگلے ماہ چین کا خصوصی دورہ کریں گے ، باہمی دلچسپی کے اہم امور پرگفت و شنید متوقع۔

دفترِخارجہ نے اعلان کیا ہے کہ وزیر اعظم عمران خان سی پیک منصوبوں پر جاری پیش رفت پر تبادلہ خیال کرنےکے لئے اگلے ماہ سرکاری دورے پر چین جائیں گے۔ وزیر اعظم عمران خان صدر ژی جن پنگ اور وزیر اعظم لی کی چیانگ سے بھی ملاقاتیں کریں گے تاکہ معیشت ، سرمایہ کاری اور اسٹریٹجک تعلقات سے متعلق امور میں دوطرفہ تعلقات کو مزید مستحکم کیا جاسکے۔ مزید برآں وزیر اعظم عمران خان برآمدی آمدنی کو فروغ دینے کے لئے چینی کمپنیوں سے خصوصی اقتصادی زون میں سرمایہ کاری کے لئے مدد حاصل کریں گے جبکہ اور ایم ایل ون منصوبے پر بھی تبادلہ خیال کیا جائے گا۔