وفاقی وزیراحسن اقبال کی چین کے نائب وزیرخارجہ سے ملاقات،سی پیک سمیت باہمی دلچسپی کے امور پر تبادلہ خیال۔

وزیرمنصوبہ بندی اور ترقی کے وزیر احسن اقبال کی بیجنگ میں چین کے نائب وزیر خارجہ سن وی ڈونگ سےملاقات ہوئی جس میں دو طرفہ تعلقات پر تبادلہ خیال ہوا۔ وفاقی وزیر نے سی پیک کے 10 سال مکمل ہونے پر نائب وزیرخارجہ کو یادگاری شیلڈ پیش کی ۔ سی پیک کے 10سال مکمل ہونے پر حکومت پاکستان نے یادگاری سکہ اور ڈاک ٹکٹ جاری کیا ہے۔ اس سے پہلے وفاقی وزیر منصوبہ بندی احسن اقبال بیجنگ پہنچے تو ایئر پورٹ پر اعلیٰ حکام نے ان کا استقبال کیا۔ اپنے پیغام میں وفاقی وزیراحسن اقبال نے کہا کہ سی پیک کے پہلے مرحلے میں توانائی اور انفراسٹرکچر کے شعبوں کو اپ گریڈ کیا گیاہے ۔دوسرے مرحلے میں زراعت ، صنعت ، گرین توانائی اور ٹیکنالوجی کو فروغ دیا جائے گا ۔