وفاقی وزیر جام کمال کی چینی نائب وزیر تجارت سے ملاقات،پاک چین تجارتی تعاون کو مزید فروغ دینے پر اتفاق۔

وفاقی وزیر تجارت جام کمال خان نے چینی نائب وزیر تجارت سے ملاقات کی ہے۔ تفصیلات کےمطابق دونوں رہنماؤں نے ملاقات میں پاکستان اور چین کے درمیان تجارتی تعاون کو فروغ دینے پر اتفاق کیا، چین نے پاکستان کے ساتھ تجارتی مواقع بڑھانے کے عزم کا اظہار کیا ۔ پاکستانی مصنوعات کی درآمد میں چین کی دلچسپی کااظہار، پاکستان 33 کمپنیوں کے ساتھ چین امپورٹ ایکسپو میں شرکت کرے گا ، گوادر پورٹ کی مکمل فعالیت کے لئے جلد اقدامات اٹھائے جائیں گے ، چین نے ایس سی او وزارتی اجلاس کی میزبانی پر پاکستان کو مبارکباد دی، پاکستان اور چین کے درمیان آزاد تجارتی معاہدے پر کمیٹی کا اجلاس بلانے پر اتفاق کیا۔ دونوں ممالک کی جانب سے زرعی شعبے میں تعاون بڑھانے پر زور دیا گیا ، گوادر پورٹ کی مکمل فعالیت کے لیے پاکستانی کمیٹی کی سفارشات تیار کرلی گئیں۔