پارلیمانی کمیٹی برائے سی پیک نے برآمدات پر مبنی صنعت کے ذریعے معیشت کو مستحکم کرنے کے حکومتی اقدامات کو سراہا۔

وزیرمنصوبہ بندی، ترقی اور خصوصی اقدامات اسد عمر نے پارلیمانی کمیٹی برائےسی پیک کو وزیراعظم کے حالیہ دورہ چین حوالے سے بریفنگ دی۔ انہوں نے کہا کہ خطے میں تقابلی ترغیب پر مبنی ڈیٹا کا تبادلہ کیا گیا ہے جس سے ظاہر ہوا کہ پاکستان کو دنیا بھر کے دیگر خصوصی اقتصادی زونز پر برتری حاصل ہے۔ ان کا مزید کہنا تھا کہ ٹیکسٹائل، جوتے، فارماسیوٹیکل اور انفارمیشن ٹیکنالوجی کے شعبوں پرسب سے زیادہ توجہ مرکوز ہے۔ مزید برآں، چینی کاروباری اداروں نے پاکستان میں سرمایہ کاری اور اپنے کاروباروں کی پاکستان رسائی میں بھی دلچسپی ظاہر کی ہے۔