پاکستانی محقق نے سی پیک اتھارٹی آرڈیننس کی تعریف کرتے ہوئے اسے درست سمت کی جانب ایک مثبت قدم قرار دیا۔

پبلک پالیسی ایکسپرٹ اور کنسورشیم فار ڈویلپمنٹ پالیسی ریسرچ کے ایک اعزازی فیلو حسن خاور نےاپنےایک مضمون میں کچھ روز قبل قومی اسمبلی میں منظور ہونے والےسی پیک اتھارٹی آرڈیننس کے بعد غیر یقینی صورتحال کے خاتمے کی جانب اشارہ کیا ہے۔ انہوں نے کہا کہ نیا قانون پچھلے آرڈیننس کے مقابلے میں نہایت موزوں ہے۔ نئے قانون کے مطابق سی ای او کے عہدے کے خاتمے سے افسر شاہی میں کمی آئے گی اور اتھارٹی صرف قومی ترقی و اصلاحات کمیشن (این ڈی آر سی) کے ساتھ متعلقہ امور کو نمٹانے کے لئے اپنی کاوشوں کو بروئے کار لائے گی۔ مزید برآں انہوں نے کہا کہ اتھارٹی اب براہ راست وزیر اعظم کو جوابدہ ہوگی اور سی پیک اتھارٹی کے عہدیداروں کو کوئی خاص استثنیٰ فراہم نہیں کیا گیا ہے۔