پاکستان اسٹاک ایکسچینج کی جانب سے کووڈ-19 کے سبب پیدا صورتحال میں چینی شراکت داروں کی مدد و معاونت پر اظہار تشکر۔

پاکستان اسٹاک ایکسچینج (پی ایس ایکس) نے مشکل گھڑی میں پاک اورچین کی سدا بہار آزمودہ دوستی اور سٹریٹیجک تعاون کو شاندار الفاظ میں سراہاہے۔ پی ایس ایکس کے منتظمین نے اس بات کو واضح کیاہے کہ چین سی پیک کے تحت پاکستان کی سماجی و اقتصادی ترقی میں معاونت کرنے کے ساتھ ساتھ فوجی اور دیگر مالی امداد کی پیش کش کے ذریعے سےقابل اعتماد شراکت دار ثابت ہوا ہے۔ پی ایس ایکس انتظامیہ نے کووڈ-19 کے پھیلنے کے دوران چین کی جانب سے طبی امداد کی فراہمی کو سراہا اور کہاکہ پی ایس ایکس کے چینی ایکسچینج پارٹنرز نےپاکستان اسٹاک ایکسچینج کی بغیر کسی رکاوٹ کےسرگرمیوں کو یقینی بنانے اور کووڈ-19کا مقابلہ کرنے کے لئے اپنے تجربات اور مہارتوں کا تبادلہ کیا ہے۔