پاکستان اور چین کے درمیان دو طرفہ مضبوط تعلقات باہمی اعتماد کے مرہونِ منت ہیں ۔۔جنرل زبیر،چئیرمین جوائینٹ چیف آف سٹاف کمیٹی۔

پاک فوج کے جوائینٹ چیف آف سٹاف کمیٹی کے چئیر مین جنرل زیبیر محمود حیات نے چین کے حالیہ دورہ کے دوران کہا ہے کہ پاک چین دوستی کا عظیم رشتہ دونوں ملکوں کے مابین باہمی اعتماد سے مشروط ہے۔ان کا مزید کہنا تھا کہ دونوں ملکوں کے مابین دوستی کا رشتہ محض سی پیک منصوبہ تک محدود نہیں بلکہ اس رشتے کا دائرہ کار گزشتہ کئی دہائیوں پر محیط ہے لیکن یہ ایک اٹل حقیقت ہے کہ سی پیک منصوبہ دوستی کے رشتے کو مزید مستحکم کرنے میں معاون ضرور ثابت ہو رہا ہے کیونکہ سی پیک منصوبہ کے پراجیکٹس کی کامیابی کا سفر دراصل دو طرفہ تعلقات کو استحکام حاصل ہونے کا ذریعہ ہےاور اس سے پاکستان کے سماجی فلاح و بہبود کے شعبے پر مثبت اثرات مرتب ہو رہے ہیں۔