پاکستان تمام شعبوں میں چینی شراکت داری سے مستفید ہونے کا خواہشمند۔۔۔۔صدر، پی آئی اے ایف۔

پاکستان انڈسٹریل اینڈ ٹریڈرز ایسوسی ایشنز فرنٹ (پی آئی اے ایف) کے چیئرمین میاں نعمان کبیر نے لاہور میں متعین چینی قونصل جنرل لانگ ڈِنگبِن سے گفتگو کرتے ہوئے کہا ہے کہ پاکستان تمام شعبوں میں مختلف نوعیت کی تجارتی مواقعے فراہم کرنے کو تیار ہے۔ جبکہ چین کے ساتھ مضبوط تجارتی مراسم مستحکم کرنے کے عزم کے تحت تمام تجارتی ذیلی شعبوں میں چینی صنعتکاروں اور تاجروں کو سرمایہ کاری کی دعوت دیتا ہے۔ پی آئی اے ایف کے وفد کی لاہور میں چینی قونصل خانہ کے دورے کے موقع پر چیئرمین کا مزید کہنا تھا کہ چین وہ پہلا ملک ہے جس پاکستانی تاجروں کو مشترکہ تجارتی سرگرمیوں کی پیشکش کی ہے۔اس موقع پر چینی قونصل جنرل کا کہنا تھا کہ سی پیک نے بے پناہ مواقع ضرور فراہم کیے ہیں لیکن پاکستان کو حقیقی معنوں میں اس کے ثمرات سے استفادہ حاصل کرنے کے لئے معاشی اصلاحات متعارف کرانے کی ضرورت ہے۔