پاکستان مشکل وقت میں چین کے شانہ بشانہ کھڑا ہونے کے ساتھ ہر ممکن مدد فراہم کرنے کے لئے پُر عزم۔۔۔۔۔نوشین حمید،وزارت نیشنل ہیلتھ سروسز۔

نیشنل ہیلتھ سروسز کی پارلیمانی سیکریٹری نوشین حمید نے کہا ہے کہ چین میں زیرِ تعلیم پاکستانی طلباء کو بہترین سہولیات کی فراہمی پر پاکستان چینی قیادت کی کاوشوں کو قدر کی نگاہ سے دیکھتا ہے۔انہوں نے مشکل گھڑی میں چین کو مکمل مدد تعاون فراہم کرنے کےعزم کا اعادہ کرتے ہوئے مزید کہا کہ پاکستان چین کے کرونا وائرس پر قابو پانے کے لئے اٹھائے گئے اقدامات پر مکمل طور پر اعتماد کا اظہار کرتاہے جبکہ چین خوش اسلوبی اور احسن طریقے سے اس وبائی مرض سے نبرد آزما ہے۔