پاکستان نےسنگاپور کی کمپنیوں کو سی پیک کے تحت خصوصی اقتصادی زونز میں سرمایہ کاری کی دعوت دے دی۔

ورچوئل دو طرفہ سیاسی مشاورت (بی پی سی) کے دوران پاکستان نے سنگاپور کی کمپنیوں کو ڈیجیٹل اکانومی، فن ٹیک اور ایگری فوڈ، خاص طور پر سی پیک کے تحت خصوصی اقتصادی زونز میں سرمایہ کاری کے مواقع تلاش کرنے کی دعوت دی ہے۔ دونوں ممالک نے سیاسی، اقتصادی، دفاعی، سیکورٹی، تعلیمی، سائنس، ٹیکنالوجی، تکنیکی تربیت، ماحولیات، ثقافت اور سیاحت کے شعبوں میں تعاون کو مضبوط بنانے کے مواقعوں پر بھی تبادلہ خیال کیا۔