پاکستان کووڈ-19 کے خلاف جنگ میں 35 ٹن طبی سازوسامان کی فراہمی پر چین کا نہایت شکرگزارہے۔۔ نغمانہ ہاشمی،پاکستانی سفیر برائے چین۔

چین نے کووڈ-19 سے نمٹنے کے لئے آگے بڑھ کر خود کو پاکستان کا آہنی بھائی ہونے کا واضح ثبوت دیا ہے۔ چین میں متعین پاکستانی سفیر نغمانہ ہاشمی نے بتایا ہےکہ چین سے 35 ٹن ایمرجنسی طبی امداد کی رسد موصول ہوئی ہے اور مستقبلِ قریب میں اس کی مزید توقعات وابستہ ہیں۔پاکستان کی مدد و معاونت میں نہ صرف چینی حکومت بلکہ علی بابا اور دیگر نجی اداروں نے بھی اس مشکل وقت میں مدد کے لئے قدم بڑھایا ہے۔ انہوں نے مزید کہا کہ وبائی بیماری سے نمٹنے کے لئے چین کی جانب سے اسپتال بنانے میں مدد قابل تحسین ہے۔