پاک چین تعلقات کے 70 سال مکمل ہونے پر چین یادگاری سکے جاری کرے گا۔

پاکستان اورچین کے باہمی تعلقات کے 70 سال مکمل ہونے پر پیپلز بینک آف چائینہ نے ایسے سکے شروع کرنے کا اعلان کیا ہے جس میں دونوں ممالک کے قومی نشان نمایاں ہوں گے۔ ایک بیان کے مطابق سونے کا ایک سکہ اور چاندی کا سکہ چینی اور انگریزی دونوں زبانوں میں ’عوامی جمہوریہ چین اور اسلامی جمہوریہ پاکستان کے درمیان سفارتی تعلقات کی 70 ویں سالگرہ‘ کی تحریر کے ساتھ جاری کیا جائے گا۔ سونے اور چاندی کے سکے جاری کرنے کی زیادہ سے زیادہ حد بالترتیب 3,000 اور 10,000 ہوگی۔ اسٹیٹ بینک آف پاکستان پہلے ہی جون 2021 میں اپنا یادگاری سکہ جاری کر چکا ہے۔