پیداواری شعبہ اقتصادی ترقی کی راہ ہموار کر رہا ہے،وفاقی وزیر اسد عمر۔

وفاقی وزیر برائے منصوبہ بندی وترقی اور خصوصی اقدامات اسد عمر نے کہا ہے کہ موجودہ حکومت معیشت کے پیداواری شعبوں پر انحصار کرتے ہوئے پائیدار ترقی پر عمل پیرا ہونے کے لئے کوشاں ہے۔ ایک نیوز کانفرنس میں انہوں نے کہا کہ اقتصادی ترقی کی شرح 3.94فیصد ہے جس کی وجہ پیداوار کے شعبے میں نمو ہے۔ مزید برآں حکومت خصوصی اقتصادی زونز میں صنعتی نمو کو بھی فروغ دے رہی ہے۔یاد رہے کہ راشکئی خصوصی اقتصادی زون کے آغاز کے موقع پر وزیراعظم عمران خان نے ہدایت کی تھی کہ برآمدی صنعتوں کو ترجیح دینے کے ساتھ ساتھ صنعتی اراضی کو جائیداد کے لین دین کے لئے استعمال نہیں کیا جانا چاہئے۔