چائینہ انٹرنیشنل امپورٹ ایکسپو میں پاکستانی مصنوعات نے بھرپور پذیرائی حاصل کی۔

شنگھائی میں جاری چوتھی چائینہ انٹرنیشنل امپورٹ ایکسپو (سی آئی آئی ای) میں دنیا کے سب سے بڑے درآمدی تھیم والے ایونٹ میں پاکستانی دستکاری، زیورات اور زرعی مصنوعات کو بھرپور پذیرائی حاصل ہو رہی ہے۔ اس ایکسپو میں 127 سے زائد ممالک اور خطوں کے 3,000 سے زائد کاروباری ادارے اور کارپوریٹ کمپنیاں شرکت کر رہی ہیں۔ بہت سے نمائش کنندگان اور وزٹرز کا خیال ہے کہ سی پیک کے ذریعے پاکستانی مصنوعات چین کو زیادہ آسانی سے برآمد کی جا رہی ہیں۔ اسٹیٹ بینک آف پاکستان (ایس بی پی) کے حالیہ اعدادوشمار کے مطابق چین کو پاکستان کی برآمدات میں گزشتہ سال کے مقابلے میں 60 فیصد سے زائد کا اضافہ ہوا ہے۔