چینی سفارت خانےکی جانب سے وبائی بیماری کے دوران پاکستان کے پسماندہ علاقوں کی مدد کے لئےعطیات کی فراہمی۔

کووڈ-19 کے پھیلاؤکے دوران چینی حکومت ، کمپنیاں اور تنظیمیں پاکستان کی مدد کے لئے کوشاں ہیں۔تفصیلات کے مطابق چینی سفارتخانے نے رمضان المبارک کے دوران سابقہ فاٹا کے علاقے کے لوگوں کے لئے روز مرہ کی ضروریات سے متعلق کیئر پیکیجز عطیہ کیے ہیں تاکہ غریبوں کو وقتی آزمائشوں پر قابو پانے میں مدد مل سکے۔واضح رہے کہ پاکستان اورچین کی بے مثال اسٹریٹجک شراکت داری باہمی اعتماد ، افہام و تفہیم اور مشترکہ مفادات پر مبنی ہے۔بلاشبہ اس مشکل وقت میں چینی اداروں کی فراخدلی کے ساتھ عطیات اور پاکستان کی بھرپور حمایت اور یکجہتی قابلِ احترام ہے۔