چینی سفیر نونگ رونگ اور وزیراعظم کے معاون خصوصی رؤف حسن نے اینٹی فیک نیوز کیمپین پر تبادلہ خیال کیا۔

پاکستان میں تعینات چین کے سفیر نونگ رونگ نے وزیراعظم کے معاون خصوصی برائے اطلاعات و نشریات رؤف حسن سے ملاقات کی۔ اس دوران انہوں نے سی پیک اور پاکستان چین دوستی سے متعلق غلط خبروں سے نمٹنے کی حکمت عملی پر تبادلہ خیال کیا۔چینی سفیر نونگ نے ڈپٹی سپیکر قومی اسمبلی قاسم خان سوری سے بھی ملاقات کی جس میں دوطرفہ تعلقات اور اقتصادی ترقی سے متعلق امور پر بات چیت کی گئی۔