چینی سمارٹ فون برانڈ ویوو پاکستان میں اسمبلنگ یونٹ قائم کرے گا۔

ویوو کے ہیڈ آف ڈومیسٹک اینڈ اوورسیز مینوفیکچرنگ شی شیاؤ لین نے چین میں پاکستان کے سفیر معین الحق کے ساتھ ایک ورچوئل میٹنگ کے دوران مستقبل میں پاکستان میں اسمبلنگ پلانٹ لگانے کے اپنے ارادے کا عندیہ دیا ہے۔ یہ میٹنگ چینی کاروباروں تک سفارتخانے کی حالیہ اقتصادی سفارت کاری کی رسائی کے ایک حصے کے طور پر منعقد کی گئی تھی۔پاکستانہ سفیر معین الحق کے ہمراہ سفارت خانے کی اقتصادی ٹیم بھی موجودتھی۔پاکستانی سفیر نے 2017 سے پاکستانی مارکیٹ میں ویوو موبائل کی سرمایہ کاری پر شکریہ ادا کیااورفرم کے ساتھ پاکستان میں اپنے توسیعی منصوبوں کے بارے میں گفت و شنید کی اور انہیں سفارت خانے کے مکمل تعاون کا یقین دلایا۔