چینی صدر ژی جن پنگ نے براعظموں کے مابین رابطے کو بہتر بنانے کے لئے ون بیلٹ ون روڑ کا تصور پیش کیا،طارق عقیل۔

ایک اہم تجزیہ کار طارق عقیل لکھتے ہیں کہ ون بیلٹ ون روڑ (او بی او آر) کو صدر ژی جن پنگ کی دور اندیش حکمت عملی کی حیثیت سے قبول کیا گیا ہے اور ایشیائی ممالک ، افریقہ ، چین اور یورپ کے درمیان رابطے اور تعاون کو بہتر بنانے پر توجہ دی گئی ہے۔ اس منصوبے کا بنیادی زور زمینی اور سمندری راستوں کو بڑھانا ہے۔ انہوں نے روشنی ڈالی کہ ماہرین کے مطابق کہ او بی او آر اقتصادی ڈپلومیسی کے لئے چین کی حکمت عملی کا بھی ایک حصہ ہے۔ وزیر منصوبہ بندی احسن اقبال نے اس میں کلیدی کردار ادا کیا ہےاور سرتاج عزیز نے بھی سی پیک کو آگے بڑھانے کے لئے اہم خدمات سرانجام دیں۔یہ راہداری چینی صوبہ سنکیانگ کے ساتھ ملحقہ پاکستان کے خطے سے شاہراہ قراقرم کے ذریعےسے گزرنے کے بعد بلوچستان کے گوادر میں واقع پاکستانی بندرگاہ تک رسائی فراہم کرتی ہے۔ دوسرے ممالک کے ساتھ اپنے تمام معاملات میں چینیوں نے ان تمام ممالک کے خود مختار حقوق کے ساتھ شائستگی ، دیانتداری اور احترام کا مظاہرہ کیا ہے اور اس سلسلے میں کوئی غلط فہمیاں پیدا نہیں ہونی چاہئیں۔