چینی قونصل جنرل کا دو طرفہ دوستی کو مزید مضبوط کرنے کے لیے پاک چائنا فاؤنڈیشن کے ساتھ تعاون کے عزم کا اظہار۔

پاکستان چائنا فاؤنڈیشن کے وفد نے حال ہی میں کراچی میں چینی قونصلیٹ میں قائم مقام قونصل جنرل ژانگ ہاؤ سے ملاقات کی۔ چیئرمین ندیم اے شیخ، وائس چیئرمین سید اسرار علی، سیکرٹری جنرل محمد قاسم اور ڈائریکٹر حارث امین بھٹی سمیت شرکاء نے پیوپل ٹو پیوپل کنیکٹویٹی کو بڑھانے سے متعلق امور پر تبادلہ خیال کیا۔ اس ملاقات کے دوران ژانگ ہاؤ نے چینی قونصلیٹ کی فاؤنڈیشن کے ساتھ تعاون اور چین اور پاکستان کے درمیان ثقافتی تبادلوں کو مضبوط بنانے کے لیے ان کی کوششوں کی حمایت کرنے پر آمادگی کا اظہار کیا تاکہ دونوں ممالک کے درمیان مضبوط تعلقات کو مزید فروغ مل سکے۔