چین اور پاکستان کے لیے”دو اہم سیشنز 2022″کی اہمیت

چائنا اکنامک نیٹ میں شائع ہونے والے ایک مضمون کے مطابق نیشنل پیپلز کانگریس (این پی سی) اور چینی عوامی سیاسی مشاورتی کانفرنس (سی پی پی سی سی)، جنہیں “دو شیشنز” بھی کہا جاتا ہے چین کے اقتصادی، سیاسی اور سفارتی ایجنڈوں اور مستقبل کے لیے نہایت اہم ہیں۔چینی وزیر اعظم لی کی چیانگ نے 5 مارچ کو بیجنگ میں 13ویں قومی عوامی کانگریس کے پہلے دن کہا تھا کہ چین اعلیٰ معیار کی اشیا اور خدمات کی درآمدات میں فعال طور پر اضافہ کرے گا۔ یہ پاکستان کو کاروبار کے توازن اور زرمبادلہ کے ذخائر کو بہتر بناتے ہوئے برآمدات کی مدد سے ترقی حاصل کرنے کا اہم موقع فراہم کرتا ہے۔ دونوں ممالک کے آزاد تجارتی معاہدے کے دوسرے مرحلے کے ساتھ ساتھ سی پیک کے دوسرے مرحلے میں چین اور پاکستان کے درمیان اشیا کی تجارت کو بڑھایا جا سکتا ہے۔