چین ترقی پذیر ممالک کے لیے امید کی کرن ہے،وزیر اعظم شہباز شریف

وزیر اعظم شہباز شریف نے کہا ہےکہ چین کا دوسری بڑی معیشت اور عالمی طاقت کے طور پر ابھرنا مستقل طور پر بدلتی ہوئی دنیا میں استحکام کا باعث ہے۔چین کے صدر شی جن پنگ اور وزیر اعظم لی کی چیانگ کے نام انہوں نے چینی قومی دن کے موقع پر ٹویٹر پر تہنیتی پیغام جاری کیا۔وزیراعظم نے مزیدکہا کہ چین ترقی پذیر دنیا کے لیے امید کی کرن ہےجو موسمیاتی، مالیات، خوراک اور توانائی سے متعلق متعدد بحرانوں سے نبرد آزما ہے۔