چین میں منعقدہ ہوا وے کا آئی ٹی عالمی مقابلہ پاکستانی طلبا نے جیت لیا

چھٹا ہواوے آئی سی ٹی مقابلہ پاکستان کے طلبا ستیش کمار، بھاگ چند اور اقرافاطمہ نے جیت لیا کم ترین وسائل رکھنے والے طلبا نے ترقی یافتہ ممالک کے اسٹوڈنٹس کو ہرا دیا۔ تفصیلات کے مطابق چھٹے ہواوے آئی سی ٹی مقابلے 2021 2022-کے فاتحین کے اعزاز میں ہونے والی تقریب سے خطاب کرتے ہوئے ہواوے پاکستان کے ڈپٹی چیف ایگزیکٹو افسر احمد بلال مسعود نے کہا کہ خستہ حال اسکولوں میں پڑھنے والے پاکستانی طلبہ کی کامیابی یہ ظاہر کرتی ہے کہ لگن اور محنت کا کوئی متبادل نہیں۔ ستیش کمار، بھاگچند میگھوار اور اقرا فاطمہ پاکستانی طلبا چین کے شہر شینزین میں منعقدہ اس عالمی مقابلے کے فائنل میں دنیا کے مختلف حصوں سے آنے والے حریفوں کو شکست دینے میں کامیاب رہے۔