چین نے ہر مشکل وقت میں پاکستان کو بھرپور مدد فراہم کی ہے،چیئرمین پاک چائنا فرینڈشپ فورم

پاک چائینہ فرینڈ شپ فورم کے زیراہتمام تقریب سے خطاب کرتے ہوئے چیئرمین الیاس رضا نے کہا ہے کہ چین نے ہر مشکل وقت میں پاکستان کا ساتھ دے کر دوستی  کاحق نبھایا ہے۔ انہوں نے مزید کہا کہ سی پیک پاکستان اور چین کے درمیان عظیم دوستی کی ایک بہترین مثال ہے جبکہ دونوں ملکوں کی مضبوط دوستی دشمن ممالک کی آنکھوں میں کھٹکتی ہے اور وہ اس پر کاری ضرب لگانے کے مواقع تلاش کرتے رہتے ہیں مگر ہمیشہ ان کے مذہوم عزائم ناکام ہوئےہیں۔