چین نے 46 ریل کوچز کی پہلی کھیپ پاکستان روانہ کر دی۔

چین نے 230 نئی تیز رفتار مسافر کوچز میں سے 46 کو سمندری راستے سے پاکستان ریلوے کو روانہ کر دیا ہے جنہیں کراچی بندرگاہ تک پہنچنے میں تقریباً تین ہفتے لگیں گے۔ ریلوے حکام کے حوالے کیے جانے کے بعد یہ بوگیاں رواں ماہ کے آخر تک کراچی لاہور مین لائن ون سے لاہور پہنچ جائیں گی۔ مزید برآں، 140 ملین ڈالر کے معاہدے کے تحت ایک معروف چینی کمپنی نے 230 جدید ترین مسافر کوچز تیار کی ہیں، جن میں سے 46 کو مکمل طور پر تعمیر شدہ یونٹ (سی بی یو) کے طور پر فراہم کیا جانا ہے اور بقیہ 184 کو پاکستان ریلوے انجینئرز اور تکنیکی عملہ چینی ماہرین کی نگرانی میں پاکستان میں تیار کیا جاٸے گا۔