چین کو برآمدات میں اضافہ پاکستان کے لیے نیک شگون ہے،وزیر مملکت برائے خزانہ عائشہ پاشا

وزیر مملکت برائے خزانہ اور محصولات عائشہ غوث پاشا کے مطابق پہلی سہ ماہی میں چین کو پاکستان کی برآمدات 1.039 ارب ڈالر سے تجاوز کر گئی ہیں جو کہ ایک اہم پیشرفت ہے۔ انہوں نے یہ بھی کہا کہ ملک کو اس وقت غیر ملکی ذخائر میں اضافے کی ضرورت ہے اور پاکستان دوسرے ممالک کے ساتھ اپنی تجارت کو متنوع بنانے کا خواہاں ہے۔ انہوں نے مزید کہا کہ چین کے ساتھ تجارت کو بڑھانے کا ابھی یہ ایک بہترین موقع ہے اور موجودہ حکومت کا ہدف تجارتی حجم کو بڑھانا ہے۔ پاکستان کے وزیر خزانہ نے اس بات کی بھی نشان دہی کی ہے کہ چین پاکستان اقتصادی راہداری (سی پیک) کے دوسرے مرحلے سے غیر ملکی سرمایہ کاری سے پاکستان کو کثیر فوائد حاصل ہونگے۔